محبت کی تلوار

بسم اللہ الرحمٰن الرحیم

🗡 *محبت کی تلوار* 🗡

مکہ میں محمد (صلی اللہ علیہ و آلہ) نے بت پرست بدؤوں سے محبت کر کے ان کے قلوب میں بتوں کیلئے نفرت بھر دی. قرآن نے اس کی گواہی دی کہ محمد (ص) تم اگر ان سے بداخلاقی سے پیش آتے تو یہ تم سے دور ہو جاتے. (آل عمران آیت ۱۵۹)

اس سنت پر عمل کرتے ہوئے نائیجیریہ میں ایک عالم شیخ ابراھیم زکزاکی نے اھل سنت برادران کو اپنے دل میں جگہ دے کر ان کے دلوں میں دشمن زھرا (س) کیلئے نفرت بھر دی.
اگر ہم بھی مسلمانان عالم کے قلوب میں دشمن زھرا (س) کیلئے نفرت بھرنا چاہتے ہیں تو ہمیں اپنے قلوب میں اھلسنت افراد کی محبت و عزت ڈالنی ہوگی.

الاحقر محمد زکی حیدری

علمائے کرام و طلاب گرامی دھیان دیں

بسم اللہ الرحمٰن الرحیم

*علمائے کرام و طلاب گرامی دھیان دیں*

🔲 لوگوں کی مشکلات حل کرنے کی فکر کریں! صرف (علمی) بحث مباحثے کا کوئی فائدہ نہیں!!!

🔲 آپ جو کہ صرف (فقہی) مسائل بیان کرنے کے علاوہ کوئی ذمہ داری نہیں سمجھتے، کیلئے خضوع کوئی اھمیت و معنی نہیں رکھتا!!!

🔵آیت الله العظمی امام خمینی(قدس سره الشریف):

🔷آپ بیٹھ کر تماشہ دیکھ رہے ہیں!!! جناب آپ کو بیدار ہونا چاہیئے لوگوں کی مشکلات حل کرنے کی فکر کریں! صرف (علمی) بحث و مباحثے کا کوئی فائدہ نہیں!!! صرف (فقہی) مسائل بیان کرنے سے لوگوں کی مشکلات حل نہیں ہوں گی. ایسے وقت میں کہ جب (دشمن) اسلام کا نام مٹانے کی کوششوں میں ہے. اسلام کے چہرے کو بگاڑا جا رہا ہے، خاموش نہ بیٹھیں!!!

🔷جاگیں اور ان حقائق و واقعات کی طرف دھیان دیں، اس دور کے مسائل کی طرف توجہ کریں! اپنے آپ کو اس قدر غافل نہ بنائیں! کیا آپ سمجھتے ہیں ان غفلتوں کے بدلے فرشتے آپ کے قدموں میں اپنے پر بچھائیں گے؟ کیا فرشتے غفلت پسند ہیں؟

آپ جو کہ صرف (فقہی) مسائل بیان کرنے کے علاوہ کوئی ذمہ داری نہیں سمجھتے، کیلئے خضوع کوئی اھمیت و معنی نہیں رکھتا!!!

🔹ولايت فقيه (امام خمينى)، ص: 145.

 

مترجم: الاحقر محمد زکی حیدری

*_arezuyeaab.blogfa.com_*

ولی اللہ مذاق نہیں کرتا!

بسم اللہ الرحمٰن الرحیم

ولی اللہ مذاق نہیں کرتا!

از قلم: الاحقر محمد زکی حیدری

 

💡ولی اللہ محمد (ص) نے فرمایا لوگو! اللہ (ج) نے وعدہ کیا ہے کہ ان تنصر اللہ ینصرکم یعنی جو میری (میرے دین کی) مدد کرے گا میں اس کی مدد کروں گا مشرکین مکہ بولے😏 مذاق مت کرو محمد (ص)!
جنگ بدر میں *اللہ (ج)* نے انہیں دکھا دیا کہ ولی اللہ مذاق نہیں کرتا!
😳 مشرک شاکڈ😳

💡جنگ احد میں ولی اللہ (ص) نے فرمایا اس پہاڑی پہ کھڑے رہنا نیچے مت اترنا، اترے تو نقصان ہوگا، اصحاب نے کہا😏 کھڑے ہی رہیں عجیب مذاق ہے.
*اللہ (ج)* نے دکھایا دیا کہ ولی اللہ مذاق نہیں کرتا!
😳اصحاب شاکڈ😳

💡ولی اللہ (ص) نے صلح حدیبیہ پر دستخط کیئے شیخ صاحب کو بات سمجھ نہ آئی بولے😏 صلح نہ ہوئی مذاق ہوا.
*اللہ (ج)* نے فتح مکہ کی شکل میں دکھا دیا کہ ولی اللہ مذاق نہیں کرتا!
😳شیخ شاکڈ😳

💡 ولی اللہ علی (ع) نے خارجیوں سے فرمایا یہ قرآن جو معاویہ کے لشکر نے نیزوں پہ اٹھا رکھا ہے یہ دھوکہ ہے. خارجی بولے 😏 علی (ع) مذاق کرتا ہے قرآن و دھوکہ بھلا کیسے!
*اللہ (ج)* نے دکھا دیا کہ ولی اللہ مذاق نہیں کرتا!
😳خارجی شاکڈ😳

💡ولی اللہ حسین (ع) نے فرمایا مجھ جیسا تجھ جیسے کی بعیت نہیں کرسکتا، یزید بولا😏 عجیب مذاق ہے، میں امیر المومنین ہوں دیکھتا ہوں کیسے نہیں کرتے!
*اللہ (ج)* نے کربلا سجا کر بتا دیا کہ ولی اللہ مذاق نہیں کرتا!
😳یزید شاکڈ😳

💡 آتے آتے عراق میں سن ۱۹۲۰ ع میں برطانیہ نے تمباکو کی تجارت کے بہانے عراق پہ قابض ہونا چاہا. ایک فرزند ولی اللہ مجتہد مرزا حسن شیرازی (رض) نے تمباکو کی حرمت کا اور مرزا تقی شیرازی (رض) نے فتوائے دفاعیہ دیا کہ برطانیہ کو عراق سے بھگانا ہے.
برطانیہ بولا😏 عجیب مذاق ہے، آدھی سے زیادہ دنیا پر حاکم سلطنت کو مولوی للکارتے ہیں!
*اللہ(ج)* نے برطانیہ کو شکست سے دوچار کر کے دکھا دیا کہ ولی اللہ کی اولاد مذاق نہیں کرتی!
😳برطانیہ شاکڈ😳

💡 ایران میں ولی اللہ کی اولاد میں سے خمینی (رض) نامی ایک غریب مولوی اٹھا یزید وقت سے کہا: رضا شاہ ان کاموں سے باز آجا ورنہ بہت برا ہوگا، شاہ نے کہا😏 مولوی اچھا مذاق کر لیتا ہے.
*اللہ (ج)* نے ایران میں انقلاب اسلامی برپا کر کے دکھا دیا فرزند ولی اللہ مذاق نہیں کرتا!
😳شاہ شاکڈ😳

💡 ۸۰ کی دھائی میں لبنان سےتعلق رکھنے والے ولی اللہ کے فرزند امام موسی صدر (رح) نے چند نوجوانوں کے ساتھ مل کر مقاومت شروع کی اور دعوا کیا کہ ہم اسرائیلیوں کو چنے چبا دیں گے. اسرائیل و آمریکا بولے😏 سارے عرب مل کر کچھ نہ بگاڑ سکے، تم لوگ تو منے ہو ابھی بیٹا!
*اللہ (ج)* نے ۲۰۰۶ میں ۳۳ روزہ جنگ میں اسرائیل کو ذلیل کرکے دکھا دیا فرزند ولی اللہ مذاق نہیں کرتا!
😳اسرائیل شاکڈ😳

💡پھر سے عراق آئیے! آمریکا نے جب عراق پہ حملہ کر کے اپنی من مانی شروع کی تو فرزند ولی اللہ سید سیستانی (زید عزہ) نے انہیں کہا کہ میں ایرانی ہوں تم آمریکی لہذا ہمیں حق نہیں عراق کا فیصلہ کریں.
آمریکا بولا 😏 مولانا آپ نمازیں پڑھو مذاق زیب نہیں دیتا آپکو!
*اللہ (ج)* نے سید سیستانی (زید عزہ) کے ایک فتوے کے ذریعے اپنی طاقت دکھا دی. اور ثابت کیا کہ فرزند ولی اللہ کبھی مذاق نہیں کرتا!
😳آمریکا شاکڈ😳

💡آج سے بیس سال قبل جمعہ کے خطبے میں ولی اللہ کے فرزند سید علی خامنہ ای (زید عزہ) نے ایرانی قوم سے خطاب کرتے ہوئے صاف الفاظ میں کہا تھا کہ آمریکا سے مذاکرات کا کوئی فائدہ نہیں، ایرانی حکومت کے پھنے خان بولے😏 عجیب مذاق ہے. وہ خود دعوت دے رہیں رھبر کو سیاست کی سمجھ ہی نہیں.
*اللہ (ج)* نے اس سال مذاکرات کرنے والوں کو رسوا کر کے دکھا دیا فرزند ولی اللہ مذاق نہیں کرتا!
😳ایرانی حکومت شاکڈ😳

💡ساری دنیا کی طاقتیں مل کر شام میں بشار الاسد کے خلاف لڑتی رہیں لیکن ایران میں بیٹھے ہوئے فرزند ولی اللہ سید علی خامنہ ای (زید عزہ) بڑی تسلی سے کامیابی کی بات کرتے تھے. طاغوت بولے😏 مذاق مت کرو مولانا ہم نے داعش تیار کی ہے اس بار.
*اللہ (ج)* نے حلب میں داعش کو ذلیل کرکے ثابت کیا فرزند ولی اللہ مذاق نہیں کرتا!
😳طاغوت شاکڈ😳

*ہمیں یاد رکھنا چاہیئے کہ*
*اللہ (ج)* مذاق نہیں کرتا! نہ ہی اس کے ولی، نہ ہی اولیاء کی اولاد! اس لیئے ماضی کے تجربات سے ہمیں درس لینا چاہیئے. اس وقت پردہ غیبت میں آج بھی ایک ولی اللہ (عج) موجود ہے اس کے فرزند رھبر معظم سید علی خامنہ ای (زید عزہ) و سید سیستانی (زید عزہ) ہمارے درمیان موجود ہیں. اور عین اپنے اجداد کی سیرت پر گامزن ہیں.

اب میرا آپ سے بتی سوال ہے...
فرزند ولی اللہ سید علی خامنہ ای (زید عزہ) نے جو شیخ نمر کی شہادت پہ فرمایا کہ *سعودی عرب نے اپنی قبر کھود لی ہے*
اور
اسرائیل کے مستقبل کے بارے میں فرمایا کہ *اسرائیل اگلے بیس سال نہیں دیکھ پائے گا*
ان دونوں باتوں کو آپ قبول کرتے ہیں یا گذشتہ لوگوں کی طرح 😏 کرتے ہیں؟
اس 👈🏽 😏 کے آخر میں 👈🏽😳 ہوتا ہے. سوچ لیجئے اور
جواب دماغ کی بتی جلا کر کر دیجئے گا.

*_arezuyeaab.blogfa.com_*

حزب اللہ کیا ہے؟

بسم اللہ الرحمٰن الرحیم

حزب اللہ کیا ہے...

از قلم: الاحقر محمد زکی حیدری

 

حزب اللہ یعنی ولی فقیہ کے عاشقوں کا گروہ
حزب اللہ یعنی بصیرت
حزب اللہ یعنی با تقوی نوجوان
اور
حزب اللہ یعنی عوام سڑک پر ہے تو حزب اللہ بھی سڑک پر...
حزب اللہ یعنی عوام کو دشمن مارے تو حزب اللہ بھی ماری جائے
حزب اللہ یعنی عوام ڈنڈے کھائے تو حزب اللہ بھی ڈنڈے کھائے
حزب اللہ یعنی عوام کے حق میں حکومت کے خلاف بھوک ہڑتال
حزب اللہ یعنی حکومت مخالف مظاہرے
اور
حزب اللہ یعنی بیروزگار شیعہ جوان کیلئے ٹریننگ سینٹر بنانا
حزب اللہ یعنی جوانوں کو عسکری تربیت دینا
مریضوں کیلئے ھسپتال بنانا
مساجد بنانا
شہداء کے خاندانوں کی خیر خبر لینا
عوام کے دکھ درد میں شریک ہونا
اور
حزب اللہ یعنی سمیر قنطار کمیونسٹ کو اپنا شیعہ سمجھ کر اس کا دفاع کرنا...
حزب اللہ یعنی سنیوں اور مسیحیوں کے شانہ بشانہ کھڑے ہوکر ان کے دکھ بانٹنا...

*حزب اللہ یعنی پہلے مجھے زخم آئے پھر عوام کو*
*حزب اللہ یعنی عوام میں رچ بس جانا ان کے دل میں اتر جانا..*
اور
پھر
*الیکش لڑنا* اور اپنا متقی، پرھیز گار امیدوار کھڑا کرنا اور پارلیامینٹ میں اتنا مضبوط ہوجانا کہ جب پوری دنیا کہے کہ حزب اللہ تو دھشتگرد تنظیم ہے تو جمہوریہ لبنان کا وزیر اعظم کہے ہم کیسے حزب اللہ کو دھشتگرد کہیں یہ تنظیم *ہماری پارلیامنٹ* کا حصہ ہے!!!
👇🏽👇🏽👇🏽
*حزب اللہ یعنی عوام کے دل میں جگہ بنا کر پارلیامنٹ مین جگہ بنانا اور سیاسی و عسکری طاقت حاصل کر کے لبنان کے, ساری دنیا کے مظلوموں کا دفاع کرنا.*

کیا *جمہوریہ لبنان* میں حزب اللہ کامیاب ہے تو *اسلامی جمہوریہ پاکستان* میں ایسی تنظیم نہیں بن سکتی؟
جی بن سکتی ہے!

کیسے؟

اس تحریر کے شروعات میں طریقہ لکھا ہے.

arezuyeaab.blogfa.com

ھرجگہ بولا نہیں جاتا

بسم اللہ الرحمٰن الرحیم

ھرجگہ بولا نہیں جاتا

مراجع کرام کیوں بدعات پہ چپ ہیں

(یہ میرا ذاتی خیال ہے )

جناب موسی (ع) ھارون (ع) کو خلیفہ بنا کر گئے تھے کوہ طور پہ، جب آئے تو قوم گوسالے کی پوجا کر رہی تھی. موسی (ع) نے ھارون (ع) سے پوچھا تم نے انہیں روکا کیوں نہیں.
ھارون (ع) نے جو جواب دیا اللہ (ج) کو بہت پسند آیا اسے قرآن کی سورہ طحہ کی ۹۴ نمبر آیت بنا دیا.

ھارون (ع) جواب کا پڑھیں:

قَالَ يَا ابْنَ أُمَّ لَا تَأْخُذْ بِلِحْيَتِي وَلَا بِرَأْسِي ۖ إِنِّي خَشِيتُ أَنْ تَقُولَ فَرَّقْتَ بَيْنَ بَنِي إِسْرَائِيلَ وَلَمْ تَرْقُبْ قَوْلِي

ہارونؑ نے جواب دیا "اے میری ماں کے بیٹے، میری داڑھی نہ پکڑ، نہ میرے سر کے بال کھینچ، مجھے اِس بات کا ڈر تھا کہ تو آ کر کہے گا تم نے بنی اسرائیل میں پھوٹ ڈال دی اور میری بات کا پاس نہ کیا"

 

یعنی اتحاد خراب نہ ہو!!! تفرقہ نہ پڑے اس لیئے ھارون (ع) شرک دیکھ کر بھی چپ رہے، ثابت ہوا نبی کی خاموشی کا ایک گہرا مقصد تھا کہ فتنہ نہ ہو تفرقہ نہ ہو ....
شاید مجتھدین کرام بھی بعض بدعات پر اس لیئے خاموش ہیں.

بھائی جب بدعت دیکھ کر مجتھد خاموش رھتا ہے تاکہ اتحاد برقرار رہے تو ہمارے کچھ دوست اس مجتھد پر لعنت کرتے ہیں.

بتائیے شرک دیکھ کر ایک نبی کے چپ رہنے پہ ھم کتنا قہرام مچاتے... اگر ھوتے ھارون (ع) کے دور میں!!!

ہم بڑے پھنے خان ہیں... نبی کو بھی چار سنا دیتے یا اس سے بھی علمی دلیل مانگتے.

مرجیعت نعمت ہے ھر ایرے غیرے کو اس پر انگلی اٹھانے نہ دیا جائے

الاحقر محمد زکی حیدری

امام خمینی (رض) اور ریفریجریٹر (فریج)

 بِسْمِ اللهِ الرَّحْمٰنِ الرَّحِيْمِ

 

امام خمینی (رض) اور ریفریجریٹر (فریج)

 

حجۃ الاسلام فرقانی فرماتے ہیں جب امام خمینی (رض) نجف میں جلاوطن تھے تو اس وقت کئی طلاب کے گھر میں ریفریجریٹر نہیں تھا. امام خمینی (رض) نے بھی نہیں لیا. حتی اس بات پر بھی راضی نہ ہوئے کہ شیخ نصر اللہ خلخانی اپنے پیسوں سے ان کے گھر کا فریج خریدیں. امام کے گھر والے دوسال تک وہ چھوٹے کولرز پانی کیلئے استعمال کیا کرتے تھے جو لوگ سفر کے دوران استعمال کرتے ہیں. امام سے جب بھی فریج خریدنے کی بات کی جاتی آپ فرمایا کرتے تھے *طلاب کے پاس نہیں ہے* دو تین سال بعد جب طلاب کے وظیفے بہتر ہوئے اور ان سب نے فریج خرید لیئے تب امام خمینی (رض) نے فرمایا: اب جب سارے طلاب کے گھر میں بھی فریج ہے تو بیشک آپ بھی لے آئیں" (۱)

 

میٹرس جتنا کچن

 

خانم خدیجہ ثقفی (زوجہ امام خمینی) فرماتی ہیں جب عراق گئے تو ایک بہت ہی پرانا گھر کرائے پر لیا جس کی ایراضی بمشکل ۵ مربع میٹر تھی. اس کا کچن بیڈ کے میٹرس (گدے) جتنا تھا. اتنا کہ ہم مجبور ہوتے کہ بھگونہ (بگونہ) باہر آنگن میں رکھ کر ہی کھانا کھائیں. *اس گھر میں ہم نے تقریبا چودھا سال گذارے* (۲)

حوالہ جات:
(۱) درسھای از امام قناعت و سادہ زیستی ص ۴۴

(۲) ایضا ص ۹۳

🔺🔺🔺🔺🔺🔺🔺
تحقیق و تحریر: الاحقر محمد زکی حیدری

[phone]

arezuyeaab.blogfa.com
🔺🔺🔺🔺🔺🔺🔺🔺
(اس پیغام کے متن میں تبدیلی متقی انسان کی نشانی نہیں)

ولی فقیہ کا فتوا اور دیگر مجتھدین کا فتوا

 

سوال: کہتے ہیں ولی فقیہ کے فتوا کے سامنے ساری دنیا کے مجتھدین کے فتوے منسوخ ہوجائیں گے اور صرف ولی فقیہ کے فتوے کو فوقیت ہوگی ساری دنیا کے شیعوں پر اس کی پیروی واجب ہوگی. کیا یہ درست ہے؟

اس میں دو امور کو مدنظر رکھیں تو آسانی ہوگی، ولی فقیہ جو بھی حکم دیگا وہ سیاسی یا اجتماعی وغیرہ دیگا اس کی پیروی تمام شیعوں پر لازم ہے باقی فتوا ہر مجتھد کا اپنا ہوگا اور اس میں بندہ جس کی تقلید کرتا ہے اس کی پیروی کرے گا.

مثال: سید علی سیستانی (دام عزہ) فتوا دیں کے انڈے کی زردی میں ذرا سا بھی خون ہو وہ پاک ہے اور اس کے کھانے میں بھی کوئی حرج نہیں اور ولی فقیہ سید علی خامنہ ای فتوا دیں کہ پاک ہے لیکن اس کا کھانا حرام ہے.
اور یہ سن کر ہم کہیں کہ لو جی رھبر نے کہہ دیا حرام ہے تو بس باقی مجتھدین کون ہوتے ہیں!!!!

*نہیں!!!!!*

ایسا نہیں ہے، یہاں ولی فقیہ کا فتوا اپنی جگہ سید سیستانی کا فتوا اپنی جگہ رہے گا فاقد نہیں ہوگا. اگر ایسا ہو تو دیگر مجتھدیں کے فتوے تو کسی کام کے نہ رہیں گے کیونکہ رھبر سید علی خامنہ خود مرجع تقلید ہیں نے ھر چیز کے متعلق فتوا دے رکھا ہے..

*تو کون سے امور ایسے ہیں جن میں ولی فقیہ کا فتوا بقیہ مجتھدین کے فتوے کو منسوخ کر دیتا ہے.*؟؟؟؟

وہ ہیں سیاسی اور اجتماعی امور وغیرہ مثلاً:

ولی فقیہ نے فتوا دیا کہ اسرائیل یا فلاں ملک کی مصنوعات استعمال کرنا حرام ہے ... یہاں سب مجتھدین کے فتوے ایک طرف رھبر کا فتوا سب پر بھاری ہوگا.
یا مثال کہیں فلاں ٹی وی چینل گستاخ انبیاء و آئمہ (ع) ہے اسے دیکھنا حرام ہے جب کہ میں جس مجتھد کی تقلید کرتا ہوں اس نے حرام نہیں کہا لیکن ولی فقیہ نے حکم دیا ہے تو ساری دنیا کے شیعوں پر یہ چینل دیکھنا حرام ہو جائے گا...

اسی طرح کی بہتریں مثال ۱۹۲۰ ع میں عراق میں ملتی ہے جب مرزا تقی شیرازی نے دیکھا کہ برطانیہ کے گورے تمباکو کے بہانے عراق پر اپنے ظلم کے پنجے گاڑھنا چاہتے ہیں تو انہوں نے فتوا جاری کیا کہ تمباکو ھر عراقی شیعہ کیلئے حرام ہے، سب کے فتوے سائیڈ پر لگ گئے. اس کا نتیجہ یہ نکلا کہ جس استعمار برطانیہ نے پوری دنیا کے تقریبا تمام ممالک پر اپنا اثر رسوخ قائم کیا لیکن عراق میں ناکام ہوا.

ملتمس دعا
الاحقر محمد زکی حیدری

کیا ولی فقیہ یا مجلس خبرگان میں غیر ایرانی عوام کا کوئی عمل دخل ہے؟

 

کیا ولی فقیہ یا مجلس خبرگان میں غیر ایرانی عوام کا کوئی عمل دخل ہے؟

 

جواب:
یہ سب سے بڑا اعتراض ہوتا ہے نظام ولایت فقیہ پر کہ بھائی ایرانی قوم کا بنایا ہوا رھبر ہم کیوں مانیں!
ارے میاں جذباتی نہ ہوں بات سمجھیئے!

اسلام میں بارڈرز اور جغرافیائی حدود کی کوئی قید نہیں، اسلام میں ایک امت کا تصور ہے سو ایک وقت میں ایک ولی فقیہ بنا تو سب اس کا اتباع کریں گے، وہ سب پر حاکم ہے. اور کسی کا حکم نہیں چلے گا.
سو اسلام میں امت کا تصور ہے. یہ جو ممالک کے بارڈرز بنے ہیں یہ اپنی اس جدید شکل میں اسپین اور جرمنی کی جنگ کے بعد ٹریٹی آف ویسٹفیلیا 1648ع کے نتیجے میں وجود میں آئے. بین الاقوامی ممالک کی حدود معین ہوئیں اور قوانین بنے...
سو ہم اب ایسی دنیا میں جی رہیں ہیں جس میں جغرافیائی حدود معین ہیں.
اور ان کی پابندی کرنے میں ہم مجبور ہیں.
سو ہمارے پاس دو آپشن تھے:
*۱.*
یا یہ کہ ہم ممالک کے اس نظام کو ختم کریں جو کہ اسلام کا بنایا نہیں، یعنی کوشش کریں کہ دنیا یا کم از کم مسلمان دنیا میں بارڈرز ختم ہو جائیں. تاکہ ایک ولی فقیہ سب پر حاکم بن جائے، پوری امت پر،

*یا*

۲.
پھر مجبورا جس خطے میں نظام ولایت فقیہ نافذ کرنے کا موقع ملے اسی میں نافذ کردیں کیونکہ یہ اصول ہے اسلام میں *اعلی ترین* چیز کا حصول ناممکن ہو تو *اعلی تر* پر اکتفاء کیا جائے.
*....سو*

چونکہ پہلے آپشن پر عمل ممکن نہیں سو مجبور ہیں کہ ایک ہی ملک میں ، جس میں نظام ولایت فقیہ کے نفاذ کا موقع ملا ہے اسی میں اسے نافذ کریں. ( نہیں تو کیا اس موقع کو بھی کھو بیٹھیں کہ میاں چاہیئے تو ہر ملک میں ولایت فقیہ چاہیئے نہیں تو بس؟؟؟)

اس لیئے یہ طے پایا کہ بارڈرز کی مجبوری ہے اور اسے ختم تو کرنے سے رہے. *کچھ نہ ہونے سے بہتر ہے ایک ہی ملک ایران میں نظام ولایت فقیہ نافذ کیا جائے اور اسی ملک کے باشندے ہی اس میں رائے کا حق رکھتے ہوں.*
سو ایرانی قوم مل کر یہ مجتھدین چنتی ہے اور وہ مجتھدین ولی فقیہ کا انتخاب کرتے ہیں...

لیکن

*چونکہ دنیا میں شیعہ فقہاء کی یہ واحد حکومت ہے اور ہم سب ان فقہاء کی عدالت کے قائل ہیں یعنی انہیں کرپٹ نہیں سمجھتے سو ان کے منتخب کیئے ہوئے ولی فقیہ کو من و عن قبول کر کے ان کی اتباع لازم سمجھتے ہیں.*

ملتمس دعا
الاحقر محمد زکی حیدری

رھبر کا انتخاب کیسے ہوتا ہے....؟

 

رھبر کا انتخاب کیسے ہوتا ہے....؟
مجلس خبرگان کیا ہے آسان الفاظ میں...

نظام ولایت فقیہ مطلب فقیہ کی حکومت یعنی مجتھد کی حکومت... یہ تعریف ہے ولایت فقیہ کی لغوی تعریف...

یہ ولی کون چنے گا؟ اللہ (ج) یا امام (عج) .... وہ دونوں تو زمین پر ظاھر نہیں
تو اب کیا کریں ؟؟؟

ظاہر ہے امام زمانہ عج کے بعد فقہاء ہی سب سے زیادہ اہل علم ہیں... تو ولی فقیہ بھی ان فقہاء میں سے ایک ہو اور اسے چنے بھی... کون؟؟؟ فقہاء...

اب فقہاء آپس میں سے ایک فقیہ چنتے ہیں... جو اس نظام کا سب سے طاقتور شخص ہوگا...

لیکن رکیں !!!!!
یہ تو آمریت سے ملتی جلتی بات ہو گئی کیوں کہ عوام کا اس میں عمل دخل نہیں، سب کچھ فقہاء مل کر کر رہے ہیں...

سو بزرگ مل بیٹھے امام خمینی (رض) سے مشاورت کی گئی کہ کیا کریں ...

فیصلہ ہوا رھبر عرف ولی فقیہ صرف ہم فقہاء لوگ ہی نہ منتخب کریں... عوام کا عمل دخل بھی ہو اس میں ...

لیکن کیسے؟

بولے ایک مجلس خبرگان بناؤ اس کی شرط یہ رکھو کہ اس کا رکن صرف مجتھد ہوگا...

ٹھیک! لیکن ایران میں تو مجتھد بھت ہیں کیا سب کو مجلس خبرگان کا حصہ بنائیں؟؟؟
بولے نہیں مخصوص تعداد رکھو البتہ کم زیادہ کرتے رہنا مسئلہ نہیں..

اب مجتھد بولے ہم میں کیسے فیصلہ ہو کہ کون سا مجتھد مجلس خبرگان کا میمبر بنے؟؟؟

*بولے دو شرطیں:*
لکھت میں امتحان پاس کرو تاکہ پتہ چلے کہ تم سیاست ویاست بھی جانتے ہو، مجتھد تو ہو لیکن سیاسی شعور ہے یا نہیں سو امتحان دو.
لو جی مجتھد امتحان دے رہے ہیں ...
امتحان میں بھی کئی پاس ہوگئے اب...
اب عوام کی باری
اب ان پاس ہونے والے مجتھدین کا الیکشن ہوگا جسے مجلس خبرگان کا الیکش کہتے ہیں، عوام انہیں ووٹ دے گی جو ووٹ لائے گا وہی کامیاب ہوگا...

کامیاب مجتھدین مجلس خبرگان کے رکن بن گئے.

یہ بن گئی مجلس خبرگان ... جس میں ہیں مجتھدین لیکن عوام کے ووٹ سے آتے ہیں...
مجلس خبرگان کے ۸۸ یا ۹۰ مجتھد مل کر رھبر عرف *ولی فقیہ کی نظارت اس کے انتقال کی صورت میں نیا رھبر چننا، رھبر کی معزولی وغیرہ سب پر اختیار رکھتی ہے...*

ملتمس دعا: محمد زکی حیدری ...

ایران انقلاب کیسے شروع ہوا

خواتین و حضرات دھیاں دیجئے!

آپ کو پتہ ہے یہ کیا چکر ہوا کہ *سید* امام خمینی (رض) نے شاہ سے ٹکر لی؟

کیا ٹارگٹ کلنگ ہوئی تھی؟ بھت سے لوگوں کا خون کیا تھا شاہ نے تب *سید*امام خمینی رح نے آواز بلند کی تھی؟ نہیں جناب...!

بات شروع ہوتی ہے شاہ کے ۱۳ اکتوبر ۱۹۶۳ کے اقدام سے... یہ اقدام کیا تھا؟

یہ تھا *قانون کیپتیلاسیون*
( Capitulation law)

مطلب کیا؟.🤔
مطلب یہ کہ شاہ نے اعلان کیا کہ آمریکی شہری ایران میں جو بھی جرم کریں گے ان کا ٹرائل اور سزا ایرانی عدالت میں نہیں ہوگی بلکہ آمریکا میں ہوگی. *سید* امام خمینی رض نے فرمایا یہ کیا بات ہوئی جرم ایران میں کرے ، ظلم کسی ایرانی شہری پر ہو اور اس کی شنوائی آمریکا میں!

یہ اہم ترین واقعہ تھا کہ *سید*امام خمینی (رض) نے شاہ کو دھمکی دیتے ہوئے کہا شاہ ان کاموں سے باز آ جاؤ ... عوام نے دیکھا یہ بیچارہ *سید* مولوی اتنی دلیری دکھا رہا ہے تب عوام کے کان کھڑے ہوئے...

پھر سارا قصہ زور پکڑنے لگا اور انقلاب آیا نظام ولی فقیہ آیا...

ایران کی گلیاں پاکستان کی طرح خون سے لال نہ تھیں پھر بھی *سید* امام خمینی رض بولے...
جس ملک کی گلیاں خون سے لال ہیں اس ملک کے *سید* کب بولیں گے... حمایت ہی کردیں *غیر سید* کی...

#پیروکاران امام خمینی
#نفاذ نظام ولایت فقیہ

الاحقر: محمد زکی حیدری

قصہ ناجائز اولاد کا!

 

قصہ ناجائز اولاد کا!

تحریر: محمد زکی حیدری

 

 

کارتھج، حالیہ تیونس، آفریقہ کا ایک قدیم یونانی شہر تھا. رومی سلطنت نے جب زور پکڑا تو اس کا اور یونانی کارتھج جیسی طاقتور سلطنت کا ٹکر ناگذیر ہوگیا. کارتھج اور روم کے درمیاں سو سالہ کشیدگی اور جنگ کے بعد بلآخر روم کی فتح ہوئی اور کارتھج کو تاراج کیا گیا، اس شہر کے سب لوگوں کو مار دیا گیا، عورتوں کو اسیر بنا لیا گیا. اس کے بعد کارتھج کا زمین پر نام و نشان تک باقی نہ رہا. رومیوں نے کارتھج پر ذرا بھی رحم نہ کیا!

اب آئیے دوسری طرف! اسی رومی سلطنت کے بادشاہ ویسپیسین کو خبر ملتی ہے کہ یروشلم کے یہودیوں نے
بغاوت کر دی ہے، تو اس نے اپنے جنرل ٹیٹوس کی سپہ سالاری میں ایک لشکر یہودیوں کو سرنگوں کرنے کیلئے بھیجا، ۱۳۹ دن کے محاصرے کے بعد بلآخر یروشلم کے یہودیوں کو شکست ہوئی، سب یہ سمجھ رہے تھے کہ رومی فوج کارتھج کی طرح یروشلم کو بھی تاراج کرے گی اور یہودیوں کا نام و نشان بھی نہ ملے گا مگر ایسا نہ ہوا...!!!

اس کی وجہ کیا تھی؟ وجہ تھی یہودیوں کی فکر "بقا". جی ہاں یہودیوں کا سب سے پہلا اصول ہے یہودیت کی بقا! یہودی سمجھتا ہے کہ دنیا کی ساری نسلیں پست ہیں اور یہ پست نسلیں ان کی اعلی نسل کو مٹانا چاہتی ہیں لیکن انہیں باقی رہنا ہے اور اس بقا کی خاطر یہ یہودی کسی بھی قبیح کام کرنے سے نہیں کتراتے. سو جب ان یہودیوں نے دیکھا کہ ہم پر رومیوں کا غلبہ ہو چکا تو انہوں نے اپنے دین، یہودیت کا سب بڑا پیغام لوگوں میں عام کرنا شروع کیا اور وہ تھا *جو ایک گال پر مارے اسے دوسرا گال پیش کرو، ظلم سے مزاحمت نہ کرو* یہ چال کامیاب ہوئی، رومیوں نے ان پر ہلکہ ہاتھ رکھا اور یہودی مکمل طور دنیا سے مٹ جانے سے بچ گئے اور کئی یہودی یروشلم کی تباہی کے بعد روم ھجرت کر گئے اور بڑے شاطرانہ طریقے سے سلطنت روم کی جڑیں کریدنے لگے جس کا نتیجہ سلطنت روم کے زوال کے طور پر سامنے آیا.

اسلام سے قبل عرب معاشرے میں یہ یہودی سود خوری کے علمبردار تھے، حضرت محمد (ص) نے جب اسلام کا پیغام عام کرنا شروع کیا تو مدینہ کے یہودیوں نے اپنی اسی پرانی شاطرانہ چالباز فطرت سے کام لینا شروع کیا، میثاق مدینہ پر دستخط کرنے کے باوجود اس کے کئی شرائط کو توڑنا، جنگ پر جاتے ہوئے آدھے راستے میں اچانک سے رسول (ص) و لشکر اسلام کا ساتھ چھوڑدینا تو کنار ، انہوں نے رسول (ص) کو بلا کر ان پر چھت سے بڑا پتھر پھینک کر آپ (ص) کی جان لینے کی بھی کوشش کی. کیونکہ محمد (ص) کے پیغام سے یہودیت کی بقا کو خطرہ لاحق تھا جو کہ کسی بھی یہودی کیلئے قبول نہیں.

آج کا یہودی بھی اسی یروشلم اور عربستان کے اپنے بزرگوں کی مانند یہودیت کی بقا کیلئے ہر قسم کے شاطرانہ، ظالمانہ، سفاکانہ فعل کے ارتکاب کو جائز سمجھتے ہیں.
یہی وجہ ہے کہ جب آمریکا نے دنیا میں ترقی کرنا شروع کی تو دنیا کے یہودیوں نے اس طرف رخ کیا اور امریکا کے شہر نیویارک میں اپنی کثرت کو یقینی بنایا تاکہ آمریکا کے ساتھ رہ کر اپنی بقا کو یقینی بنایا جائے.
جب آمریکا کی تجارت میں ان یہودیوں نے نفوذ کیا تو آمریکی اور یورپی خارجی پالیسیوں پر ان کا اثر و رسوخ پیدا ہونے لگا اور *تب انہیں خیال آیا کہ ہمارا اپنا ایک ملک ہو!*

فلسطین! جو کہ ایک مدت سے برطانیہ کے زیرنگرانی تھا لیکن جنگ عظیم "دوم" کے بعد برطانیہ کو بھاری نقصان اٹھانے کی وجہ سے جہاں اسے اپنی تمام کالونیز سے دستبردار ہونا پڑا، وہاں فلسطین سے بھی اس نے اپنا گونر واپس بلانے کا اعلان کیا اور برطانوی گورنر فسلطینی عربوں اور یہودیوں کو امن و آشتی سے رہنے کا پیغام دے کر ۱۴ مئی ۱۹۴۸ع کو اپنے ملک برطانیہ لوٹ گیا.

اب چونکہ یہودی اپنی بقا کی خاطر ہر قسم کا قبیح طریقہ استعال کرنے سے دریغ نہیں کرتے سو اسی دن سپہر ۴ بجے تل اویو کے ایک عجائب گھر میں یہودی قومی کاؤنسل کے ڈیوڈ بین گریون نے تقریبا ۲۰۰ لوگوں کے مجمعے کے سامنے ایک یہودی ریاست اسرائیل کے قیام کا اعلان کیا. ۱۹۰۰ سال میں پہلی بار یہودیوں کو اپنے ملک دینے کے اس اعلان کی حمایت اقوام متحدہ پہلے کی کرچکا تھا رہی سہی کسر آمریکا کے صدر ھیری ٹرومین نے اسی دن ہی حمایت کرکے پوری کردی. *اس طرح آمریکا کی ناجائز اولاد نے جنم لیا اور مسلمانوں کی اکثریت والے ارض فلسطین پر قبضہ کرتے ہوئے یہودیوں نے مسلمانوں کے قبلہ اول بیت المقدس پر بھی قبضہ کر لیا اور دنیا سے جوق در جوق یہودی اس سرزمین پر اپنے نجس قدم رکھنے لگے، یہودیوں کی تعداد مسلمانوں سے زیادہ ہوتی گئی اور یہ ظلم اب تک جاری ہے.*

عرب لیگ کے تیل سے مالا مال ممالک کے سربراہان ایک بار اسرائیل سے رسوا ہوکر چپ ہوگئے اور آج تک خاموش ہیں، اگر دنیا بھر میں یوم القدس منانے کا اعلان کرتا ہے تو وہ خمینی (رح) کی شکل میں کوئی شیعہ ہی ہوتا ہے اور اقوام متحدہ میں کوئی آواز اٹھاتا ہے تو وہ ایرانی صدر کی صورت میں کوئی شیعہ ہی ہوتا ہے یا پھر ۳۳ روزہ جنگ میں اسرائیل کو چنے چبانے والا کوئی کمانڈر نظر اتا ہے تو وہ بھی شیعہ سید حسن نصراللہ ہے.
*یہودیوں کو آج اگر اپنی بقا -جو ان کو بہت عزیز ہے، کیلئے خطرہ ہے تو صرف و صرف شیعان حیدر کرار سے ہے، اسی حیدر کرار (ع) کی پاکیزہ اولاد سے کہ جس نے ان کے آبا و اجداد کے قلعۂ خیبر کو اکھاڑا تھا اور یوم القدس کی یہ ریلیاں گواہ ہیں کہ آمریکا کی اس ناجائز اولاد اسرائیل کی نابودی علی (ع) کے حلالی بیٹے سید علی خامنہ ای (زید عزہ) کے ہاتھوں ہونے والی ہے کیونکہ اللہ (ج) کا وعدہ ہے حق آئے گا باطل مٹ جائے گا.*

*_www.fb.com/arezuyeaab_*

 

*پیر پاکستان میں سر ایران میں!

*پیر پاکستان میں سر ایران میں!*
.
تحریر: محمد زکی حیدری

کافر، مرتد، رافضی، لعنتی وغیرہ کے فتوے جو ہم پر دشمن لگاتا ہے اس کی وجہ صرف ایک ہے، وہ یہ کہ ہم شیعہ علمی میدان میں ان سے آگے ہیں، ان بیچاروں کے پاس علمی جواب نہیں ہوتے تو فتوے لگانا شروع کر دیتے ہیں، افسوس کہ یہ وبا پاک و ھند کے کچھ نام نہاد شیعوں کو بھی اپنی لپیٹ میں لے رہی ہے،ابھی کچھ فتووں کی دکانیں بلکل نئی نئی کھلی ہیں جن کا پہلا فتوا ھوتا ہے یہ حلالی نہیں ہے! اگر کہو کہ میاں یاعلی مدد سے اچھا کچھ نہیں لیکن پہلے سلام علیکم پھر یا علی مدد کہو کیونکہ قرآن کا حکم ہے سلام کرو. اس بات کو سنتے ہی فتوا فیکٹری فتوا جاری کرے گی کہ فلاں شخص یا علی مدد کا منکر ہے لھذا حلالی نہیں! لیکن مرتا کیا نہ کرتا اصلاح کرنے والے بیچارے تو دشنام کھانے کے باوجود بھی قرآن و سیرت اھلبیت (ع) کی بات کرتے رہیں گے، اب وہ الگ بات ہے کہ ماننے والے عاقل لوگ مان جاتے ہیں نہ ماننے والے فتوا دے کر اپنی علمی سطح کا اظھار فرماتے ہیں.

کل ہی مجھے شوق اٹھا کہ میں نے مجتھدوں کے دشمنوں سے تو وافر مقدار میں یعنی "پیٹ بھر کر" لعنتیں رسید کی ہیں اب ذرا عاشقان مجتہدین سے اس قسم کا کسب فیض کروں، اور امام راحل امام خمینی (رض) کی برسی سے بڑھ کر اور کیا موقع ہوسکتا تھا بس یہی سوچ کر میں نے ان انقلابیوں جو کہ کبھی کبھار سید علی خامنہ ای (زید عزہ) سے بھی ایک قدم آگے نکل جاتے ہیں، کے بارے میں یہ تحریر لکھنا شروع کی. عرض خدمت ہے کہ جب میں نے چشمہ لگا کر غور سے ان انقلابی جوانوں کو دیکھا تو مجھے اکثر چیزیں مثبت نظر آئیں ان انقلابیوں کی اچھی خصلتیں جیسے خلوص، درد ملت، تقوی، پرھیزگاری وغیرہ قابل دید اور قابل رشک ہیں، ان میں سے اکثر نماز شب پڑھنے والے ہیں.
لیکن جب میں ان کے ساتھ رابطے میں آیا تو مجھے ان کی یہ دو خصلتیں دیکھ کر دکھ پہنچا: ایک انتہا پسندی اور دوسری فقدانِ حب الوطنی!

جیسے انتہا پسندی سے میری مراد دہشتگردی نہیں اسی طرح حب الوطنی کے فقدان سے میری مراد ملک دشمنی نہیں، بات یہ ہے کہ جب میں ان کے قریب گیا تو دیکھا انہوں نے ہر بات میں جمہوری اسلامی ایران اور حزب اللہ کو نمونہ عمل بنا رکھا ہے، جو کہ بہت اچھی بات ہے لیکن دوسری طرف میں نے دیکھا کہ ان کے سوشل میڈیا پر ایران عراق جنگ کے شہداء کا ذکر ہے، لبنانی شہداء کا ذکر ہے، لیکن پاکستانی شہداء کا بہت کم! *ہم جانتے ہیں کہ مدافعان حرم کی ایک بڑی تعداد پاکستان سے تعلق رکھتی ہے ہم سوشل میڈیا پر ان کا ذکر نہیں کرتے اور عجیب بہانا بناتے ہیں کہ اگر ہم ایسا کریں گے تو پاکستانی ایجنسیز حرکت میں آجائیں گی گویا پاکستان کی ایجنسیز خفیہ اطلاعات کیلئے ہمارے سوشل میڈیا کی غلام ہیں کہ کب ہم سوشل میڈیا پر کوئی خبر رکھیں اور وہ اٹھا لیں اور شور کریں* کہ شیعہ زینب (س) کے حرم کے دفاع کیلئے جا رہے ہیں، ارے بھائی ایران میں مدافعان حرم کے جنازے سب کے سامنے پڑھے جاتے ہیں، دنیا بھر کا شیعہ میڈیا وڈیو بنا کر دنیا میں پھیلاتا ہے کہ فلاں ملک سے تعلق رکھنے والا جوان شام میں اپنی مظلوم بیبی (س) کا دفاع کرتے ہوئے شہید ہوا، وہ افتخار سے، عظمت سے دنیا کو بتاتے ہیں اور ہم ہیں کہ ایجنسیز کا بہانا. یہاں ہمارے انقلابیوں کو حب الوطنی کا ثبوت دینا پڑے گا. ایران کی حکومت میں شہداء کا اکرام و احترام دیکھئے کس طرح وہ اپنے شہداء کی یاد مناتے ہیں، رھبر معظم (زید عزہ) کسی دورے پر جائیں تو شہداء کے گھروں سے چکر لگاتے ہیں ان کے حالات سے آشنا ہوتے ہیں یہ روش ہمارے یہاں بھی رائج کرنے کی ضرورت ہے ہمیں شہداء پسند ہیں، بس کرنا یہ ہے کہ دوسرے ممالک کے شہداء کے عزت و احترام کے ساتھ ساتھ اپنے شہداء، اپنے نوجوانوں اور اپنے مدافعان حرم کو بھی خراج پیش کریں. *جہاں ہم فیسبوک اور واٹس ایپ پر لبنانی و ایرانی شہداء کے ماؤں کی وڈیو کلپس اور تصاویر نشر کرتے ہیں اسی طرح ہمیں اپنے شہداء کی ماؤں کے تاثرات بھی لینے چاہیئیں، کیا ہمارے پڑوس میں کسی شہید کی ماں نہیں؟* *اور کیا ہم اس سے چند منٹ جا کر مل کر اس کی وڈیو بناکر اس دکھیاری کی تڑپ دنیا تک نہیں پہنچا سکتے ؟* ہم نظام کو شہداء کے خون اور شہداء کی یاد سے بدل سکتے ہیں ، ہمیں یاد رکھنا چاہیئے ایک مادر شہید کی سسکیوں بھری دو منٹ کی وڈیو کلپ عوام کے قلوب پر جتنا اثر رکھتی ہے اتنا دو گھنٹے کا درس بھی نہیں رکھتا. گلگت بلتسان سے لیکر بدین تک شہداء کی مائیں چمکتے تاروں کی طرح موجود ہیں کیا ہم ان کے پاس نہیں جا سکتے؟ اور اس سے زیادہ بھلا کیا چاہیئے جب ایک ماں اور وہ بھی شہید کی ماں کا دل اس کام سے خوش ہو اور وہ ہمیں دعا دے کر رخصت کرے! ہمارے انقلابی جوان کو اس سے زیادہ کیا چاہیئے! یہ ہے حب الوطنی کا تقاضہ!

انقلابی دشمن شناس ہوتا ہے، اپنے قریبی دشمن سے لیکر بین الاقوامی دنیا تک سارے دشمنوں پر اس کی کڑی نظر ہونی چاہیئے، اسے ایم آئی سکس، موساد، را، سی آئی اے وغیرہ کی حرکتوں سے بڑی آشنائی ہونی چاہیئے بیشک! لیکن *اگر انقلابی چار کلومیٹر دور ایک دشمن جو ہمیشہ شیعوں کے خلاف بھونکتا ہو کو چھوڑ کر صرف آمریکا و اسرائیل پر لعنت کرتا پھرے تو ایسے انقلابی کو دشمن شناس نہیں کہا جائے گا،* دشمن شناسی میں ہمارا محور بیشک ایران ہو لیکن ایران کا دشمن خارجی ہے ہمارا دشمن خارجی بھی ہے اور داخلی بھی لہذا انقلابی صرف خارجی دشمن پر اکتفا کرے اور داخلی دشمن پر لعنت کرنا بھول جائے تو اسے ایران کی نقل کرنے والا اور اس کی اندھی تقلید کرنے والا کہا جائے گا. جب کہ انقلابی کی روش و رفتار ایسی ہو کہ وہ کسی کو انگلی اٹھانے کا موقع نہ دے.

انقلابی اس بات سے بخوبی آگاہ ہوتا ہے کہ انقلاب مظلوم طبقہ لاتا ہے، مظلوم کے دل میں جگہ بنانے سے انقلاب کی راہ ہموار ہوتی ہے جہاں جہاں ظلم ہوتا ہے اور ظلم کے خلاف کسی قسم کی بھی آواز بلند ہوتی ہے تو انقلابی جوان رنگ، نسل، قومیت، نظریہ، عقیدہ بھلا کر اس کا ساتھ دینے میں سب سے پیش پیش ہوتا ہے، یہی وجہ ہے کہ فلسطینی سنی برادران پر ظلم ہو تو میلوں دور ایک شیعہ انقلابی سب کچھ بھول کر اس کی حمایت میں نکل پڑتا ہے پس انقلابی صرف مظلوم دیکھتا ہے اور کچھ نہیں ، *انقلابی مظلوم کا ساتھ دیتا ہے. سو انقلابی کو زیب نہیں دیتا کہ وہ مظلوم کے کسی بھی حامی کی کردراکشی کرے، یا اس سے جو شکایات ہیں ان کی بنا پر اسے تنہا چھوڑ دے!* ایسا انقلابی دنیا کے انقلابیوں سے خود کو جدا کردیگا، تنہا رہ جائے گا، عوام کے دل میں جگہ نہیں بنا پائے گا اور نظام بدلنے میں کارگر ثابت نہیں ہو پائے گا.

انقلابی ھوش سے کام لیتا ہے جوش سے نہیں، علی (ع) جیسا انقلابی جب ھوش کا تقاضہ خاموشی ہو تو خاموش رہتا ہے، شیخین کیخلاف بولنے کی بجائے چپ رھنے سے اسلام کی خدمت ہوتی ہے تو علی (ع) ھوش سے کام لے کر چپ رھتے ہیں اپنے حق کو ایک طرف رکھ دیتے ہیں، ایک انقلابی بھی دیکھے کہ جب کوئی اس وقت کے علی، سید علی خامنہ ای (زید عزہ) کے خلاف کچھ بول رہا ہے تو یہ یاد رکھے کہ اس انقلابی کا جواب میں بولنا رھبر معظم (زید عزہ) کو فائدہ دیگا یا چپ رھنا! ابھی ایک وڈیو میں ایک صاحب نے اپنے انقلابی جوش و خروش میں تمام مجتہدین کی اہانت کردی کہ اگر زنجیز زنی اتنا ثواب رکھتی ہے تو خود کیوں نہیں کرتے! جناب آپ کیسے انقلابی ہیں؟ *رھبر معظم (زید عزہ) کی تصویر آفیس میں لگا کر تاریخ تشیع کے تمام بزرگ مجتہدین پر انگلی اٹھانے سے کیا آپ رھبر معظم (زید عزہ) کی خدمت کر رہے ہیں یا خیانت؟* کیا رھبر معظم (زید عزہ) کو یہ دلیلیں نہیں معلوم جو دلیلیں آپ پیش کر کے بزرگ مجتھدین پر اعتراض فرما رہے ہیں، کیا یہ سیرت رھبر معظم (زید عزہ) ہے؟ کس نے اجازت دی آپ کو مجتہدین پر اعتراض کریں اور ان کو ایک جنبش قلم سے ایم آئی سکس کا کہہ دیں. ایم آئی سکس کی لسٹ رھبر معظم (زید عزہ) سے لیں یا آپ سے؟ اور وہ بھی پاکستان و ھندوستان کے ماحول میں جہاں کی عوام مجتہدین کو برا بھلا کہتی ہے، ایسے ماحول میں مجتہدین پر کیچڑ اچھال کر یہ تاثر دینا کہ مجتھدین ایک دوسرے کے مخالف ہیں (معاذاللہ) یہ کیسی انقلابی سوچ ہے یہ تو انتہا پسندی ہے!

یہ تھی بات میرے انقلابی دوستو، مجھ سے آپ کروڑ گنا بھتر ہیں، آپ کی فکر، تقوی، خلوص، فداکاری اور ان گنت اقدار آپکو مجھ سے ممتاز کرتے ہیں لیکن وقت کا تقاضہ یہ ہے کہ تاثیر ایران، لبنان، شام، نائجیریہ وغیرہ کہیں سے بھی لیں، کسی سے بھی اچھی چیزیں لیں لیکن اس کوشش میں وطن کی مٹی اور اس پر بسنے والے بھائیوں اور بہنوں خصوصاً شہداء کی یاد ہمارے دلوں میں رہے تاکہ کل کوئی ہمیں یہ طعنہ نہ دے کہ ہم تو صرف ایران ایران کرتے ہیں، بیٹھے پاکستان میں ہیں باتیں ایران کی کرتے ہیں! اور کوئی یہ نہ کہے کہ ہمارا سر ایران میں ہے پیر پاکستان میں.

*–arezuyeaab.blogfa.com_*

*_www.fb.com/arezuyeaab_*

فتنه 88 اور رھبر معظم (زید عزہ)

 

 

فتنه 88 اور رھبر معظم (زید عزہ)

 

اردو ترجمه: محمد زکی حیدی

 

 فتنه88 ایران کے نتیجے میں گرفتارشدگان کے بارے میں رهبر معظم انقلاب کے حکم کا واقعه سعید خلیلی کی زبانی .

 

لکھتے هیں رھبر معظم (زید عزه) نے فرمایا "اگر تمھیں یقین نھیں که ان میں سے کون سا شخص بے گناه هے تو سب کو آزاد کرو"

 

 

نسیم آنلاین:: شوره عالی امنیت ملی کے اس وقت کے دبیر بیان کرتے هیں: میری نظر میں بڑا یادگار واقعه هے. عاشوره کا سانحه جو تھران میں هوا اس کے نتیجے مین کچھ لوگوں کو گرفتار کیا گیا. اب ظاھر سی بات هے اس میں کچھ مجرم اور کچھ بے گناه لوگ مخلوط هوں گے.

انھوں نے کچھ دن بعد معلوم کیا که کا کیا هوا.  جواب دیا گیا که ان کی شناخت مشکل هے که ان میں سے کون مجرم هے اور کون مجرم نھیں. 22 بھمن کی تقریبات  بھی قریب هیں انھیں آزاد کردیا گیا تو بعید نھیں که یه ان تقریبات میں بھی شر انگیزی کریں. مغربی تقاضائے قانون کی رو سے انھیں قید رکھا جانا چاھئے تھا جب تک 22 بھمن کی  تقریبات مکمل نه هو جاتیں. لیکن ایک عادل ولی فقیه کا نظر یه الگ هے. رھبر نے فرمایا "اگر تمھیں شک هے که ان میں سے ایک بھی بے گناه هے تو 100 کے 100 بندے آزاد کردو."

 

فرمایا آپ حق نھیں رکھتے که کسی کو بے گناه قید رکھیں. شاید کوئی سیکیورٹی کا ماھر بولے نھیں!  لیکن دین کیا کهتا هے یه بھی دیکھیں :

 

الَّذِينَ آمَنُوا وَلَمْ يَلْبِسُوا إِيمَانَهُمْ بِظُلْمٍ أُولَٰئِكَ لَهُمُ الْأَمْنُ وَهُمْ مُهْتَدُونَ

 

حقیقت میں تو امن انہی کے لیے ہے اور راہ راست پر وہی ہیں جو ایمان لائے اور جنہوں نے اپنے ایمان کو ظلم کے ساتھ آلودہ نہیں کیا"

 

یه قصه هوا اس کے بعد سیکیورٹی ٹیم نے کها که هم سوچ بھی نھیں سکتے تھے که 22 بھمن کو کوئی حادثه پیش نه آئے اور کوئی فتنه گری اس دن نه هو. اسے کھتے هیں ولی فقیه کی بات پر اعتماد که جو چاھتا هے که معاشرے کو ترقی دے اور حکومت کا دعوا کرے.

 

 

 

بزرگان مدفون در حرم بیبی معصومہ (س)

بسمہ تعالی

حضرت بیبی معصومہ (س) کے روضے میں مدفون آیات عظام کی شخصیت کی چند خصوصیات.

 

مترجم از فارسی: محمد زکی حیدری

🌺 مرحوم آیت اللہ حاج میرزا مہدی آشتیانی (رح)

دوسروں کی برائی والے موضوعات پر بات نہیں کیا کرتے تھے.

🌺 مرحوم آیت اللہ میرزا ھاشم آملی لاریجانی (رح)

خود کو بڑا آدمی سمجھنے سے نفرت کرتے تھے نیند سے بیدار ہوتے وقت یہ ذکر ان کے لبوں پہ جاری ہوتا "السلام علیک یا امیرالمومنین و رحمہ اللہ و برکاتہ "ـ سادات کا بے حد احترام کرتے تھے.

🌺 مرحوم آیت اللہ محمد علی اراکی (رح)

عام دنوں میں ھر روز ایک جز قرآن کا، رمضان میں تین جز تلاوت کیا کرتے.

🌺 مرحوم آیت اللہ شیخ محمد تقی بافتی (رح)

۱۷ سال تک نجف اشرف میں رہے، تب تک ہر جمعرات کی رات مسجد سھلا جاتے صبح تک قیام با عبادت فرمایا کرتے.

 

🌺 مرحوم آیت اللہ سید حسین بروجردی طباطبائی (رح)

بیبی معصومہ (س) کا بہت احترام کرتے تھے حتی کہ سعودی بادشاہ نے ان کے ہاں آکر ان سے ملنا چاہا تو آپ نے منع کردیا. دوستوں سے فرمایا کہ یہ آتا تو بیبی معصومہ (س) کی زیارت کو نہ جاتا. اور یہ بیبی (س) کی توھین ہوتی کہ کوئی مجھ سے ملے اور بیبی (س) کی زیارت کئے بغیر چلا جائے.

🌺 مرحوم آیت اللہ سید رضا بہاء الدینی (رح)

مسکین و فقرا کی خدمت کو اپنا فریضہ سمجھتے، لوگوں سے فرماتے کہ رات میں مساکین کی مدد کیا کرو تاکہ ان کی عزت نفس مجروح نہ ہو...

🌺 مرحوم آیت اللہ میرزا جواد تبریزی (رح)

بیبی زھرا (س) کی شہادت کے دنوں ننگے پاؤں جلوس میں چلتے تھے.

🌺 مرحوم آیت اللہ سید مصطفی حسینی خوانساری (رح)

ان کے کتابخانے میں کوئی ایسی کتاب نہ تھی جسے انہون کامل نہ پڑھا ہو اور حاشیہ نہ لگایا ہو.

🌺 مرحوم آیت اللہ سید احمد خوانساری (رح)

سب کے احترام میں کھڑے ہوجاتے. سادات کا بھی احترام کرتے.

🌺 مرحوم آیت اللہ محمد تقی خوانساری (رح)

سال ۱۳۲۳ ش میں انہوں نے قم میں نماز استسقاء پڑھی تو بارش ہوئی اور کچھ انگریزی فوجی یہ دیکھ کر مسلمان ہوئے.

🌺 مرحوم آیت اللہ سید فخرالدین سیدی قمی (رح)

کسی کو اجازت نہیں دیتے تھے کہ ان کا کام کوئی اور بندہ کرے. سب خود کیا کرتے، کبھی نماز جماعت ترک نہیں کی، اول وقت نماز کے عادی تھے.
انتقال کے وقت قم کے غریب ترین افراد میں سے ایک تھے.

🌺 مرحوم آیت اللہ سید محمد حسین طباطبائی (رح)

رمضان میں افطار بیبی معصومہ (س) کی ضریح مبارک کو چوم کر کیا کرتے.

ان تمام بزرگوں و نجف و پاک و ھند کے مرحوم علماء کے درجات کی بلندی کے لئے سورہ فاتحہ.

 

www.fb.com/arezuyeaab

مجلس خبرگان کیا ہے؟

 

📢 ھیلو ... خواتین و حضرات ذرا دھیان دیں. 📢

 

کچھ پته بھی هے آپ کو که ابھی ایران میں رھبر کون بنے اس کے لئے انتخابات ھونے جا رھے هیں. پته هے یه کیسے هوگا....؟

نھیں پته؟

چلو میں بتاتا هوں بھائی جو کمیٹی رھبر کا انتخاب کرتی هے اس کا نام هے مجلس خبرگان .... کیا نام هے ؟

مجلس خ... پیش ... خبرگان khibrgaan ... ھاں. khabar نھیں khibr...

اس کے 90 ارکان هیں یه 90 ارکان کهاں سے آتے هیں ؟

بھائی انھیں عوام ووٹ دیتی هے,

 یعنی عوام کے ووٹ سے یه 90 ارکان چنے جاتے هیں اور پھر ان کی اکثریت جسے رھبر بنائے وه رھبر...

 اچھا اھم بات .. یه 90 امیدوار سب کے سب مجتھد هوں گے یه مجتھدوں کا الیکشن هے. صرف مجتھد هی یه الیکشن لڑ سکتا هے... اجتھاد شرط هے...  یعنی آپ اگر ایران میں هیں تو ایک مجتھد آپ کے پاس آکر کھے گا بھائی میں الیکشن میں کھڑا هوں مجلس خبرگان کی رکنیت کیلئے مجھے ووٹ دیں. اس طرح عوام ووٹ دیتی هے کچھ مجتھد جیتتے هیں کچھ ھارتے هیں جیتنے والے 90 مجتھد آکر مجلس خبرگان بناتے هیں پھر یه لوگ فیصله کرتے هیں که کون بنے رھبر...

 

اب بتائیں رھبر عوام چنتی هے یا خود آمرانه طریقے سے چنا جاتا هے. خوامخواه انگریز بننے کے چکر میں اعتراض که ایران میں جمھوریت نھیں. 😏

دھیان دینے کا شکریه. کچھ سمجھ نه آئے تو پوچھ لیں. مجھے نھیں پته هوگا تو اساتیذ سے پوچھ کر بتاؤں گا. ان شاء الله.

ملتمس دعا: الاحقر محمد زکی حیدری.

 

📢اعلان ختم📢

جوش کے ناخن ھوش کے ناخن !

جوش کے ناخن ھوش کے ناخن !

تحریر: محمد زکی حیدری

 

جب مسند خلافت پر ابوبکر کو بٹھایا گیا تو ابو سفیان علی (ع) کے پاس أیا که علی (ع) میں جانتا هوں که خلافت تمهارا حق هے میری تلوار تمهارے ساتھ هے چلو اٹھو قیام کرو.... علی (ع) نے ھوش کے ناخن لئے, خاموش رهے سفیان کی سازش کو خاموشی سے کچلا, نتیجه اتحاد و وحدت و امن و آشتی.. یه علی (ع) هے... اس طرف طلحه و زبیر آتے هیں ام المومنین کے پاس که بیبی عثمان کے قتل پر هم نوحه کناں هیں علی (ع) کچھ نهیں کر رهے, اٹھیں قصاص عثمان کیلئے قیام کریں , هماری تلواریں آپ کے ساتھ هیں. ام المومنین نے "جوش کے ناخن لیئے" مان گئیں, جمل آئیں اور نتیجه خانه جنگی ...

 آج دشمن نے قمعه زنی کا شوشه چھوڑا هے بزرگ مجتھد نے جوش میں آکر اگر کهه دیا که خوب کرو, تو انداز بیان سے هی اندازه لگا لیں روتے جا رهے هیں, ان کی عمر کا اندازه کریں. معصوم نهیں هیں ... بخدا جوش میں تھے ورنه کبھی نه کهتے که پنجاب میں سوسال قبل صرف تین شیعه اور اب آدھا پاکستان شیعه ... بھائی انهیں اس بات پر غصه تھا که کچھ لوگوں نے غلط فتوی ان کے نام منسوب کیا, وه بار بار ان کی شکایت کر رهے هیں اور یه بھی کهه رهے هیں که میں زھرا (س) شکایت لگاؤں گا. 

 یار جب آپ کو کوئی کهے که آپ نے فلاں چیز سے منع کیا هے جب که آپ نے منع نه کیا هو تو ظاھر هے آپ زور دے دے کر کهیں گے که نهیں میں نے منع نهیں کیا, کرو کرو خوب کرو منع نهیں منع نهیں! همارے باپ کی عمر کے هیں ... یار کیا هوگیا هے هم لوگوں کو ھوش کیوں گنوا دیا هم نے! اتنی بڑی بات نهیں هے که بھڑک اٹھے هیں ھر ایرا غیرا قلم اٹھا که مجتھد پر تنقید کرنے بیٹھ گیا ...همارے والدین مثال ابو گھر میں کوئی ایسی بات کردیں جو همیں ھضم نه هو تو کیا هم یهی طریقه اپنائیں گے اور اسے گھر کا دشمن کهیں گے??? باپ کی گستاخی نهیں قبول , مرجع پوری قوم کا باپ هے, کئی اس سے مستفید هوئے هیں, اس پر اعتراض کرتے هیں, اس سے پهلے اپنے گریبان میں دیکھیں که أپ نے کیا کیا اور کیا کر رهے هیں...

 اور میں رھبر معظم میرے سید علی خامنه ای (زید عزه) کا مقلد هوں ان کے غلاموں کا غلام هوں. عرض کرتا هوں که آپ سے کتنوں نے رھبر کے آفس سے رابطه کر کے اس مسئلے پر ان کی رائے لی هے ???  جب رھبرمعظم مخالفت کریں یا جواب طلب کریں تو آپ اور هم بھی کریں... رھبر هم سے زیاده جانتے هیں جو تنقیدی سوالات بشیر صاحب سے کیئے جا رهے هیں کیا وه رھبر خود یا اس کے دنیا بھر میں موجود وکلاء نهیں کرسکتے؟ کر سکتے هیں اس کے باوجود نهیں کر رهے تو همیں کیوں فکر لاحق هو گئی هے.

خدا را علی (ع) کی سنت پر چلتے هوئے ھوش کے ناخن لیں  ام المومنین کی سنت پر چل کر جوش کے ناخن نه لیں!

 

www.fb.com/arezuyeaab

بریکنگ نیوز اور پاکستانی طالبعلم!

 

بریکنگ نیوز اور پاکستانی طالبعلم!

تحریر: محمد زکی حیدری

 

ہر پاکستانی نیوز چینل کی اولین ترجیح ہوتی ہے لوگوں کی توجہ جلب کرنا. چاہے وہ کسی بھی طریقے سے ہو، بس تھوڑا سا کسی کے منہ سے مخالفت کی چنگاری نکلے، پھر اس میں اپنے تجزیے کی مہارت سے مٹی کا تیل، پیٹرول، گیس وغیرہ ڈال کر اسے خطرناک آگ کا شعلہ بناکر عوام کی طرف پھینکنا میڈیا کے بائیں ہاتھ کا کھیل ہے. چونکہ انسان کی فطرت ہے وہ منفی بات کی طرف زیادہ متوجہ ہوتا ہے اس لیئے میڈیا انسان کی اس کمزوری کو استعمال کرکے خوب شہرت کماتا ہے، حالانکہ اس سے نقصان عوام کا ہی ہوتا ہے جو ایسی باتوں پر یقین کرتے ہیں لیکن میڈیا کو اس سے کیا سروکار، مردہ جنت میں جائے یا جہنم میں قبر کھودنے والے کو چاہیئیں پیسے!

اگر آپ غور فرمائیں تو میڈیا کی اس نحس روش کے مالک لوگ آپ کو صرف ٹی وی پر ہی نہیں، بلکہ اپنے آس پاس بھی نظر آئیں گے. یقین نہیں آتا تو دو چار منٹ کیلئے سوشل میڈیا پر چلے جائیے. اگر آپ شیعہ ہیں تو تو اور بھی آسان ہے کسی بھی پاکستانی شیعہ طالبعلموں کے گروپ میں چلے جائیے! کچھ طالبعلموں کی خبریں کچھ اس طرح کی ہوں گی:
" ارے! آہ! فلاں آیت اللہ ولی فقیہ کا دشمن ہے! یہ دیکھیئے اس نے اپنے درس خارج میں یہ کہہ دیا!!!"
"ھائے ایم آئی سکس! یہ دیکھیئے نجف والے مجتہد ولی فقیہ سے جلتے ہیں یہ دیکھیں فلاں مجتہد نے کیا کہہ دیا"
"ارے! یہ دیکھیں ایرانی فلاں آیت اللہ نے سید علی خامنہ ای کو کہا ہے کہ وہ مولا ہیں! اف اللہ یہ ایرانی اب خامنہ ای کو اللہ بھی کہیں گے! توبہ توبہ توبہ!!!"
"یہ جواد نقوی دیکھیئے کیا کہہ رہا ہے اللہ اکبر کل ایمان خامنہ ای ... توبہ استغفار..."

یہ اور کئی قسم کی ایسی متعدد بریکنگ نیوز بلکل اسی شکل و صورت میں آپ کو ملیں گی جس طرح عمرو عاص کی اولادوں کے توسط سے چلنے والا پاکستانی میڈیا بریکنگ نیوز دیتا ہے. حوزہ کا یہ طالبعلم درس خارج یعنی حوزے کے سب سے بڑی سطح کے درس میں بیٹھا ہے لیکن علم کا منتظر نہیں، منتظر ہے تو صرف اس بات کا کہ ابھی یہ آیت اللہ کوئی ایسا جملہ منہ سے نکالے کہ جسے وہ اپنے تجزیے کی مہارت سے ایندھن ڈال کر اسے پاکستان بھیجے، جہاں اس کے کچھ اور رپورٹرز ایسی ہی کسی بریکنگ نیوز کیلئے بے چین بیٹھے ہیں کہ کوئی نیوز آئے اور وہ اسے پاکستان کے کونے کونے تک پھیلا دیں.

اور یہ قوم تو ہے ہی بھولی! اس کے منہ کا شٹر کھلنے میں کب دیر لگتی ہے، اسے اتنی عقل نہیں کہ غور کرے کہ اس کا یہ نجف یا قم میں بیٹھا ھوا میڈیا جو خبریں دے رہا ان میں کتنی سچائی ہے یعنی اگر فلاں آیت اللہ فلاں کا دشمن ہے تو یہ میڈیا ثبوت کے طور پر کوئی مستند دلیل کیوں نہیں پیش کرتا؟ یہ بھولی عوام یہ نہیں سوچتی کہ خدانخواستہ ایک آیت اللہ نے دوسرے پر بے جا حملہ کیا ہے تو اس آیت اللہ کے دفتر سے کوئی دفاعی بیان کیوں نہیں آیا؟
جواد نقوی صاحب نے اگر کسی کو کل ایمان کہہ کر امام علی (ع) کی گستاخی کی ہے تو علماء کیوں چپ ہیں؟ کسی ایرانی آیت اللہ نے اگر سید علی خامنہ ای کو مولا یا کوثر یا کچھ اور کا لقب دیا ہے تو باقی نجفی و قمی آیات عظام اور خود رہبر اس اہانت دین پر کیوں چپ ہیں؟
علماء و فقہا چپ ہیں ان کے دفاتر جن کے پاس دنیا کے جدید ترین ذرائع ابلاغ موجود ہیں، وہ دفاتر چپ ہیں اور بول کون رہا ہے یہ چند پاکستانی قمی اور نجفی طالبعلم!!! انہیں دین کی اہانت برداشت نہیں ہوتی، ماشاء اللہ انہیں مجتہدین سے بھی زیادہ دردِ دین ہے. اصل میں انہیں کوئی درد نہیں ہے، عمر و عاص بھی بہت پڑھا لکھا تھا لیکن اسے میڈیا والے کام میں مہارت تھی، سو اس نے اُس میں نام کمایا، اسی طرح ہمارے چند دوست سالہا سال نجف و قم میں تحصیل علوم کے باوجود بھی صرف بریکنگ نیوز ہی سیکھتے ہیں، ہماری دعا ہے کہ وہ اپنے اصل مقصد کو سمجھیں اور اجتہاد کو منتشر کرنے کی ناکام کوشش کر کے اپنا وقت ضایع کرنے کی بجائے اجتہاد و تقلید کے ثمرات عوام تک پہنچائیں. آمین!

www.fb.com/arezuyeaab

سید علی خامنہ ای کون ہیں؟

 

 

🌺🌺🌺🌺🌺🌺🌺🌺🌺🌺🌺🌺🌺🌺🌺

این آقا سید علی خامنه ای کیست؟

🌺🌺🌺🌺🌺🌺🌺🌺🌺🌺🌺🌺🌺🌺🌺

 

مترجم: محمد زکی حیدری

 

سید علی خامنہ ای جیسا کوئی ہے کہ ...

🌺 جس کی نیویارک اور کیلفورنیا میں چار لاکھ لوگ تقلید کرتے ہوں!

🌺 ایران کے سب سے تیز علم حاصل کرنے والوں میں دوسرے نمبر پر آنے والا شخص ہو.

🌺 جو آٹھ سال جنگی محاذ کی رھبری کرتا رہا ہو.

🌺 جنگی سپہ سالارا جو آٹھ سال تک ملک کا صدر رہا ہو؟

🌺 وہ شخص کہ جس کے بارے دشمن کہتا ہو اس کے زندگی نامہ میں ایک سیاہ ورق تو دور خاکی ورق بھی نہیں.

🌺 دنیا کا کوئی ایسا سیاستدان ہے، کوئی ایسی سیاسی شخصیت کہ جس کی اولاد اتنی پاک و پاکیزہ ہو؟.

🌺 کوئی ایسا ہے جو ھفتے میں دوبار درس خارج فقہ و اصول دیتا ہو.

🌺  جس کے بارے میں روس کے صدر نے کہا ہو کہ مجھ سے زیادہ روس پر اثر رکھتے ہیں.

🌺 وہ شخص کہ جس کے بارے میں آیت اللہ جوادی آملی فرماتے ہیں کہ میں ان کے ہاں مہمان بن کر گیا تو بیٹے کو ہمارے ساتھ کھانا کھانے سے منع کردیا کہ بیت المال کا کھانا ہے.

🌺 وہی کہ جس کے بارے ہمارے استاد نے بتایا کہ ان کے گھر میں صرف ایک قالین ہے جو ان کی بیوی کو جہیز میں ملا تھا.

🌺وہ شخص کہ جس نے اپنے والد کی دیکھ بھال کیلئے پڑھائی اور قم کو چھوڑ دیا.

🌺 وہ ہی کہ جس کا ہاتھ ابھی تک مفلوج ہے اور اس کے چہرے پر بارود کے زخموں کے نشان موجود ہیں.

🌺 کس شیعہ مرجع نے اتنے سنی علماء کی سرپرستی کی ہے؟؟

🌺 وہ ۷۵ سالہ مرد کون ہے کہ جس کے بارے میں امیر کویت کہتا ہے کہ اس کی نصیحتوں سے ہمارے لوگ بہرہ مند ہوتے ہیں.

🌺 امیر عرب امارات کا بیٹا کہتا ہے میرے بابا کہتے ہیں عالم اسلام میں صرف ایک مرد ہے جس کا نام سید علی ہے.

🌺اقوام متحدہ کے سابق جنرل سیکریٹری کوفی عنان نے کہا کہ میں نے انہیں دیکھا کی وہ معنویت کی بلندیوں پر تھے اور سیاست کی بھی انتہا پر. میں نے سوچا اقوام متحدہ کا جنرل سیکریٹری اسے ہی ہونا چاہیئے.

🌺 روسی صدر پیوٹن کہتا ہے میں ان کی شخصیت میں وہ کچھ دیکھا جو عیسی (ع) کے بارے میں بائبل میں پڑھا.

✋کون ہے یہ شخص؟

🌺 یہ وہ ہیں کہ آیت الله بهجت جیسے کامل‌ترین نفس انسان جب آخری وقت ھسپتال میں بستر مرگ پر تھے تو، بیٹا کہتا ہے میں دیکھا بابا نے صلوات کا ختم نکالا. میں نے وجہ پوچھی تو فرمایا "آقای خامنہ ای کردستان گئے ہوئے ہیں" یعنی آیت اللہ بھجت کا آخری عمل رھبر کی سلامتی کیلئے درود پڑھنا تھا.

🌺 وہ کون ہے کہ جس کے بارے میں آقای پہلوانی کے بیٹے فرماتے ہیں کہ جب قم آئے تو ۹۰ سالہ بزرگوار سید عبداللہ جعفری جو آقا بھجت کے بعد عارفوں کے مرشد تھے، نے مجھے فون کر کے کہا کہ مجھے سید علی سے ملاقات کیلٰئے لے چلو. جب میں انہیں لے آیا تو یہ بزرگوار جھکے اور سید علی خامنہ ای کا ہاتھ چوما.

 

 

☝یاد رکھو اس بزرگوار کے دشمن کی عاقبت بہت بری ہوگی.

ہمیں فخر ہے کہ ہمارا رہبر ایسا ہے.

✋✋✋✋✋✋✋✋✋✋✋✋✋✋

لبیک یا خامنہ ای

✋✋✋✋✋✋✋✋✋✋✋✋✋✋

www.fb.com/arezuyeaab