میرا اور وہابی کا مناظرہ

میرا اور وہابی کا مناظرہ

 

قمعہ زنی اور قرآن

 

قمعہ زنی اور قرآن

 

يَا أَيُّهَا الَّذِينَ آمَنُواْ لاَ تَقُولُواْ رَاعِنَا وَقُولُواْ انظُرْنَا وَاسْمَعُوا ْوَلِلكَافِرِينَ عَذَابٌ أَلِيمٌ

سوره : البقرة آیه : 104

 

"ابن عباس" مفسر معروف اسلام نقل کرتے ہیں:صدر اسلام میں جب رسول اللہ (ص) تقریر فرماتے اور آیات و احکام الٰہی بیان فرماتے تو مسلمان کبھی کبار ان سے مطالبہ کرتے کہ ذرا ٹھہر ٹھہر کر مطالب بیان فرمائیں تاکہ انہیں خوب سمجھ آئے اور اسی دؤران جو بات سمجھ نہ آ رہی ہوتی تو اس کے متعلق سوال بھی پوچھ لیا کرتے اور اس طرح تقریر کو روکنے کیلئے یہ لوگ لفظ "راعنا" جو کہ "رعی" کے مادہ سے ہے اور جس کا مطلب ہے "مہلت دینا" کو استعمال کیا کرتے۔۔۔ لیکن یہود اس لفظ کو "رعونہ" کا مادہ سمجھا کرتے کہ جس کا مطلب ہے "بیوقوف بنانا" یا "مسخری کرنا"۔ (یعنی اصل مطلب بنتا تھا "ذرا سی مہلت دو!" لیکن یہود جو اس کی معنی لیتے تھے وہ  تھی "ہمیں بیوقوف بنا!" اس طرح ایک بہانہ یا (ویک پوائنٹ ) مل گیا تھا کہ جس کو بنیاد بنا کر وہ مسلمانوں اور اسلام کا مذاق اڑا سکتے تھے۔  

اس لیئے یہ آیت نازل ہوئی کہ

يَا أَيُّهَا الَّذِينَ آمَنُواْ لاَ تَقُولُواْ رَاعِنَا وَقُولُواْ انظُرْنَا وَاسْمَعُوا ْوَلِلكَافِرِينَ عَذَابٌ أَلِيمٌ

  اے ایمان والو!راعنا نہ کہا کرو بلکہ (اس کی جگہ) انظرنا کہا کرو اور (رسول کی باتیں) توجہ سے سنا کرو اور کافروں کے لیے تو دردناک عذاب ہے۔

 ثابت ہوا کہ ایسا فعل فعل کا مطلب و مقصد بیشک اچھا ہو اور نیت بھی اچھی ہو مگر  دشمن اگر سوء استفادہ کرے ، یا اس کو بہانہ مل جائے کہ وہ مسلمانوں کا مذاق اڑائے وہاں اللہ چاہتا ہے کہ اس بہانے کو ہی ختم کردے نہ رہے گا بانس نہ بجے گی بانسری!
اب میرے عزیر دوستو آپ بیشک زنجیرزنی اور قمہ زنی عشق حسین (ع) میں کرتے ہیں مگر آپ کو علم نہیں کہ آپ کی وڈیوز اور تصاویر پوری دنیا میں جاتی ہیں کہ دیکھو شیعہ کتنے وحشی ہیں کہ  خود کو خون میں لت پت کردیتے ہیں اگرچہ آپ کا یہ فعل شرعاً کوئی حر ج نہیں رکھتا جس طرح آیت میں لفظ  "راعنا" میں کوئی اشکال نہ تھا مگر چونکہ اس کو بہانہ بنا کر دشمن تشیع ہمیں بدنام کرتا ہےاس لیئے اس کام کو ترک کرنا بہتر ہوگا ۔

جو دوست اس بات کا نکار کتے ہیں کہ ہم قمہ زنی کی وجہ سے بدنام ہو رہے ہیں ان سے عرض ہے کہ آج کل جس چیز کی بھی معلومات چاہیئے ہوتی ہے تو ہم گوگل کی ویب سائیٹ سے اسفادہ کرتے ہیں اب آپ دو منٹ کیلیئے خود کو ایک غیر مسلم سمجھ کر گوگل امیجز پر جائیے اور سرچ بار میں ٹائپ کیجئے "Shia Islam "  آپ کو خون آلود تصاویر ملیں گی اب آپ اس بار میں "Sunni Islam " لکھ کر سرچ کیجیئے آپ کو سنی باجماعت نماز ادا کرتے ہوئے نظر آئیں گے۔ آپ ایک غیر مسلم بن کر فیصلہ کیجیئے گا کہ کس فرقے کی تصاویر سے آپ کو وحشت محسوس ہوئی؟؟؟

والسلام و یا علی مدد

 

(یہ الفاظ میرے ہیں فکر آقای محسن قرائتی صاحب کی ہے )

 

 

دماغ کی بتی جلاؤ ... قسط 12 نور العین فی المشھد الحسین

 

💡💡دماغ کی بتی جلاؤ💡💡

(قسط 12)

 

جھوٹے مصائب والی تاریخی کتب کا تعارف... 
(حصه 12)

🔪کتاب:نور العین فی المشھد الحسین
💂تالیف:ابو اسحاق اسفراینی

 

❓❓❓❓❓❓❓
کیا زینب (س) نے اپنا سر محمل کی لکڑی سے ٹکرا کر ماتم کیا؟؟
❓❓❓❓❓❓❓

 کتاب نور العین کو یہ شرف بھی حاصل ہے کہ اس کتاب کا دعوی ہے کہ یہ چوتھی صدی میں لکھی گئی جب کہ ایسا ھرگز نہیں ہے کیونکہ علماء فرماتے ہیں کہ اس کا اسلوب بتا رہا ہے کہ اس دور کی کتاب نہیں.
لہذا ثابت ہوا کہ واقعہ کربلا کے ھزار سال بعد کی کتاب ہے یہ.

اب اس کتاب نے لکھا کہ کوفہ کی دربار میں بیبی زینب (س) محمل میں بیٹھی خطبہ دے رہی تھیں، ان کو خاموش کرنے کیلئے امام حسین (ع) کا کٹا ہوا سر ان کے سامنے لایا گیا جسے دیکھ کر بیبی زینب (س) نے سر محمل کی لکڑی سے ٹکرایا اور خون جاری ہوا.

💡💡 بتی معذرت 💡💡

معذرت! محملوں میں امیروں کو لایا جاتا ہے. اسیر نہیں لائے جاتے یہ حسین (ع) کی مظلومہ بیٹی رسن میں بندھی لائی گئی!

کمال ہے! گویا بڑے مزے سے محمل و عماری میں بیٹھ کر بیبی (س) نے خطبہ دیا... اتنی عزت کی ابن زیاد نے کہ محمل میں بٹھا کر لایا تو مجممہء اغیار میں خطبہ کیوں دینا پڑا بیبی (س) کو... زینب (س) اور محمل... یہ کون سی کربلا ہے جس میں اسیر محملوں میں سوار ہیں...

یہ نورالعین کتاب کا جھوٹ ہے اس کے بعد یہ روایت ۱۱ ویں صدی میں چھپنے والی کتاب "منتخب طریحی" میں آئی اس نے بھی نورالعین سے یہ بات لی، شیخ عباس قمی صاحب نے منتھی الأمال میں صفحہ نمبر ۴۸۳ اس روایت کو بیان کیا تاکہ اسے رد کریں، آپ نے نہ صرف اسے رد کیا بلکہ فرمایا کہ اسے نہ پڑھا جائے، زینب (س) صبر کا پیکر تھیں ان سے ایسا فعل انجام دینا بعید ہے.

💡💡عزاخانے سجائے رکھو💡💡

💡💡دماغ کی بتی جلائے رکھو💡💡

 

ملتمس دعا: محمد زکی حیدری.

www.fb.com/arezuyeaab

💡💡💡💡💡💡💡💡💡